महाराष्‍ट्रातील ज्‍येष्‍ठ साहित्यिक व कलावंताचा सन्‍मान करण्‍याच्‍या दृष्‍टीने मंडळातर्फे दरवर्षी दोन मान्‍यवरांना गौरववृत्‍ती प्रदान करण्‍यात येते. रु. ५०,०००/- रोख, मानपत्र, शाल व श्रीफळ असे या गौरववृत्‍तीचे स्‍वरुप असते.

यातील एक गौरववृत्‍ती ज्‍येष्‍ठ सा‍हित्यिकास तर दुसरी साहित्यिकेतर कलावंतास देण्‍याचे मंडळाचे धोरण आहे. ‘सन २०१२-२०१३ या वर्षातील गौरववृत्ती ज्येष्ठ समीक्षक डॉ.सुधीर रसाळ, औरंगाबाद यांना व ज्येष्ठ कलावंत श्री. वसंत अवसरीकर यांना देण्यात आली.

साहित्य निर्मितीमध्ये मोलाचे कार्य करणाऱ्या ज्येष्ठ साहित्यिकास देण्यात येणारा विंदा करंदीकर जीवन गौरव पुरस्कार व मंडळाकडून गौरववृत्ती योजनेअंतर्गत कला व साहित्यातील ज्येष्ठ व्यक्तींना देण्यात येणारी गौरववृत्ती या दोन्ही योजना एकाच स्वरूपाच्या असल्यामुळे गौरववृत्ती योजना पुरस-1012/प्र.क्र.111/2012/भाषा-3, दिनांक 03 मार्च, 2014 अन्वये बंद करण्यात आली आहे.